Во рамките на проектот Холокаустот низ призмата на детските очи во организација на Фондот на Холокаустот на Евреите од Македонија и Меморијалниот центар на Холокаустот беше организиран натпревар за изработка на креативни честитки со порака до другарче жртва на холокаустот. Учениците од 9 одделение од ПУ Требеништа под менторство на наставничката Далиборка Симоновска освоија трето место и на 28 април 2022 на одбележувањето на меѓународниот ден на сеќавање на жртвите од Холокаустот, на нашите ученици и на менторот им беа доделени дипломи и пригодни подароци. На настанот присуствуваа претставници од дипломатскиот кор, Владата и Здружението на Евреите од Македонија. Настанот беше и медиумски покриен. Благодарност до Градоначалникот на Општина Дебрца за спонзорирањето на патувањето.
